मार्जिन मनी योजनेसाठी अर्ज आमंत्रित

 

मार्जिन मनी योजनेसाठी अर्ज आमंत्रित

चंद्रपूर दि. २ :  सामाजिक न्याय व विशेष सहाय्य विभाग अन्वये केंद्र शासनाच्या स्टँडअप इंडिया योजनेत अनुसूचित जाती व नवबौध्द घटकांकरिता  मार्जिन मनी योजना सुरु करण्यात आली आहे. सदर योजनेच्या मार्गदर्शक सुचना शासन स्तरावरुन निश्चित करण्यात आल्या आहेत. सदरचा शासन निर्णय शासनाच्या www.maharashtra.gov.in या संकेतस्थळावर निरीक्षणासाठी उपलब्ध आहे.

सदर योजनेकरीता इच्छुक लाभार्थी असतील त्यांनी सहाय्यक आयुक्त, समाज कल्याण, चंद्रपूर यांच्याकडे शासन निर्णयातील नमुद करण्यात आलेल्या सर्वअटी व शर्तीची पूर्तता करुन प्रस्ताव सादर करावा, असे सहायक आयुक्त, समाजकल्याण यांनी कळविले आहे.

००००००