चंद्रपूर, दि.29 सप्टेंबर- वैद्यकीय महाविद्यालयाच्या अंतर्गत असणा-या जिल्हा सामान्य रुग्णालयातील महिला प्रसूती वार्डातील 30 अतिरिक्त खाटांच्या कक्षाचे लोकार्पण राज्याचे वित्त, नियोजन व वनेमंत्री तथा जिल्हयाचे पालकमंत्री सुधीर मुनगंटीवार यांनी केले.
जिल्हा सामान्य रुग्णालयातील आरोग्य व्यवस्थांमध्ये सुधारणा करुन या ठिकाणी दाखल होणा-या महिला रुग्णांना अतिरिक्त कक्ष देण्याची घोषणा पालकमंत्र्यांनी केली होती. त्यानुसार महिला प्रसूती कक्षामध्ये आधीच्या 30 खाटांच्या कक्षामध्ये आणखी 30 खाटांची भर घालण्यात आली. विस्तारीत 30 खाटांच्या कक्षांचे उदघाटन पालकमंत्र्यांच्या उपस्थितीत या ठिकाणी दाखल झालेल्या एका कुटूंबाच्या चिमुकलीच्या हस्ते करण्यात आले. यावेळी दाखल असणा-या रुग्णांची विचारपूस केली. रुग्णालया बाहेर आल्यानंतरही त्यांनी रुग्णांच्या नातेवाईकांशी भेटून वैद्यकीय महाविद्यालयातर्फे मिळत असलेल्या सोयीसुविधांबाबत चौकशी केली. या भेटीदरम्यान त्यांच्या सोबत आमदार नाना शामकुळे, शासकीय वैद्यकीय महाविद्यालयाचे अधिष्ठाता डॉ.एस.एस.मोरे, जिल्हा शल्य चिकित्सक डॉ.उमेश नावाडे, अतिरीक्त शल्य चिकित्सक डॉ.मुनघाटे, निवासी वैद्यकीय अधिकारी डॉ.भास्कर सोनारकर, मनपाचे स्थायी समिती सभापती राहुल पावडे आदी उपस्थित होते.
000 
No comments:
Post a Comment