पालकमंत्री ना.विजय वडेट्टीवार 1 ते 3 नोव्हेंबर रोजी चंद्रपूर जिल्ह्याच्या दौऱ्यावर

 

पालकमंत्री ना.विजय वडेट्टीवार 1 ते 3 नोव्हेंबर रोजी चंद्रपूर जिल्ह्याच्या दौऱ्यावर

विविध विभागाच्या विकास कामांचा घेणार आढावा

चंद्रपूर, दि. 31 ऑक्टोंबर: महाराष्ट्र राज्याचे मदत व पुनर्वसन, आपत्ती व्यवस्थापन, इतर मागास बहुजन कल्याणमंत्री तथा चंद्रपूर जिल्ह्याचे पालकमंत्री विजय वडेट्टीवार 1 ते 3 नोव्हेंबर रोजी चंद्रपूर जिल्ह्याच्या दौऱ्यावर आहेत.

त्‍यांचा दौरा कार्यक्रम पुढीलप्रमाणे आहे. दि. 1 नोव्हेंबर 2020 रोजी सकाळी 10:30 वाजता शासकीय विश्रामगृह, ब्रह्मपुरी येथे नागपूरहुन आगमन व राखीव. सकाळी 10:45 वाजता ब्रह्मपुरी तालुका काँग्रेस कमिटीच्या बैठकीस उपस्थित. सायंकाळी 4:30 वाजता ब्रह्मपुरी मल्टीसिटी अर्बन निधी लिमिटेड, ब्रह्मपुरी शाखेच्या शुभारंभ कार्यक्रमास उपस्थिती. सायंकाळी  5:00 वाजता ब्रह्मपुरीवरून गडचिरोली कडे प्रयाण करतील.

दि.2 नोव्हेंबर 2020 रोजी सकाळी 10:00 वाजता गडचिरोली वरून व्याहाड (बु.) ता. सावली जि.चंद्रपूर कडे प्रयाण करतील. सकाळी 10:30 वाजता प्राथमिक आरोग्य केंद्र, व्याहाड (बु.) येथे नवीन इमारतीचे भूमिपूजन करतील. सकाळी 10:45 वाजता सामदा (बु) येथे स्व.रुपेश प्रभाकर बुरले, सोनापूर येथे स्व. दिवाकरजी भुरसे, लोंढोली येथे स्व. रवींद्र बोधलकर यांच्या कुटुंबीयांस सांत्वनपर भेट देतील. दुपारी 12:00 वाजता तहसील कार्यालय, सावली येथे आगमन व कोरोना विषाणू संदर्भात अधिकाऱ्यांसमवेत आढावा बैठक घेतील.

दुपारी 12:30 वाजता तहसील कार्यालय, सावली येथे तालुकास्तरीय विकास कामांसंदर्भात सर्व विभागासमवेत आढावा बैठक घेतील. दुपारी 1:30 वाजता सिंचाई विभागाचे विश्रामगृह सावली येथे सावली तालुका काँग्रेस कमिटीच्या बैठकीस उपस्थिती तसेच नगरसेवकांसमवेत चर्चा करतील. दुपारी 2:30 वाजता सावली वरून चंद्रपूर कडे प्रयाण करतील. दुपारी 3:30 वाजता शासकीय विश्रामगृह चंद्रपूर येथे आगमन व राखीव. सायंकाळी 4:30 वाजता अधीक्षक अभियंता चंद्रपूर यांच्या कार्यालयात सार्वजनिक बांधकाम विभागाच्या विकास कामासंदर्भात कार्यकारी अभियंता व उपविभागीय अभियंता यांच्यासमवेत आढावा बैठक घेतील. सायंकाळी 5:30 वाजता  जिल्हाधिकारी कार्यालय चंद्रपूर येथे कोविड-19 बाबत अधिकाऱ्यांसमवेत आढावा बैठक घेतील. सायंकाळी 7:00 वाजता हिराई विश्रामगृह ऊर्जानगर, चंद्रपूर येथे आगमन, राखीव तथा मुक्काम राहतील.

दिनांक 3 नोव्हेंबर 2012 रोजी सकाळी 11:00 वाजता जिल्हाधिकारी कार्यालय चंद्रपूर येथे पिक विमा कंपनी, कृषी विभाग व महसूल विभागाच्या अधिकाऱ्यांसमवेत आढावा बैठक घेतील. दुपारी 12:30 वाजता जिल्हाधिकारी कार्यालय चंद्रपूर येथे चंद्रपूर जिल्ह्यातील सावली, सिंदेवाही व ब्रह्मपुरी तालुक्यातील विकास कामासंदर्भात महाराष्ट्र राज्य विद्युत वितरण कंपनीच्या अधिकाऱ्यांसमवेत आढावा बैठक घेतील.

दुपारी 1:30 वाजता जिल्हाधिकारी कार्यालय चंद्रपूर येथे सिंचाई विभागाच्या अधिकाऱ्यांसमवेत बैठक घेतील. दुपारी 2:00 ते 2:30 वाजताची वेळ राखीव असणार आहे. दुपारी 2:30 वाजता जिल्हाधिकारी कार्यालय चंद्रपूर येथे ताडोबा-अंधारी व्याघ्र प्रकल्पांतर्गत वन्य प्राण्यांद्वारे होत असलेले हल्ले व वनहक्क दाव्यांबाबत आढावा बैठक घेतील. सायंकाळी 5:30 वाजता चंद्रपूर वरून नागपूरकडे प्रयाण करतील.

000000

जिल्ह्यात मागील 24 तासात 148 कोरोनामुक्त

 जिल्ह्यात मागील 24 तासात 148 कोरोनामुक्त

137 नव्याने पॉझिटिव्ह ; एका बाधिताचा मृत्यू

Ø आतापर्यंत 12670 बाधित झाले बरे

Ø उपचार घेत असलेले बाधित 2870

चंद्रपूर, दि. 31 ऑक्टोबर: जिल्ह्यात गत 24 तासात 148 जणांनी कोरोनावर मात केल्याने त्यांना रुग्णालयातून सुटी देण्यात आली आहे. तर एका कोरोनाबाधित रुग्णांचा मृत्यु झाला असून 137 जण नव्याने पॉझिटिव्ह आले आहेत.

आज मृत झालेल्या बाधितामध्ये भद्रावती शहरातील सुरक्षा नगर येथील 75 वर्षीय पुरुषाचा समावेश आहे. जिल्ह्यात आतापर्यंत 232 बाधितांचे मृत्यू झाले असून यापैकी चंद्रपूर जिल्ह्यातील 217, तेलंगाणा एक, बुलडाणा एक, गडचिरोली सहा, यवतमाळ पाच, भंडारा एक आणि वर्धा येथील एका बाधिताचा समावेश आहे.

नव्याने पॉझिटिव्ह आलेल्या 137 बाधितांसोबत आतापर्यंत एकूण बाधितांची संख्या 15 हजार 772 वर पोहोचली आहे. तसेच 24 तासात 148 बाधित कोरोनातून बरे झाल्याने सुरुवाती पासून आतापर्यंत बरे झालेल्यांची संख्या 12 हजार 670 झाली आहे. सध्या 2 हजार 870 बाधितांवर उपचार सुरू आहे. जिल्ह्यात आतापर्यंत 1 लाख 20 हजार 54 नमुन्यांची तपासणी करण्यात आली असून त्यापैकी एक लाख 2 हजार 827 नमुने निगेटीव्ह आले आहे. नागरिकांनी बाहेर पडतांना तसेच सार्वजनिक ठिकाणी मास्कचा वापर करावा तसेच दैनंदिन कामे करताना सोशल डिस्टंसिंग पाळावे, असे आवाहन जिल्हा प्रशासनाने केले आहे.

तालुकानिहाय बाधितांची संख्या:

जिल्ह्यात 24 तासात पुढे आलेल्या 137 बाधितांमध्ये 76 पुरुष व 61 महिला आहेत. यात चंद्रपूर शहर व परीसरातील 59, पोंभुर्णा तालुक्यातील दोन, बल्लारपूर तालुक्यातील 13, चिमूर तालुक्यातील एक, मुल तालुक्यातील 11, कोरपना तालुक्यातील दोन, ब्रह्मपुरी तालुक्यातील 12,  वरोरा तालुक्यातील तीन,भद्रावती तालुक्यातील 16, सिंदेवाही तालुक्यातील सात, राजुरा तालुक्यातील सात, गडचिरोली येथील तीन तर यवतमाळ येथील एक असे एकूण 137 बाधित पुढे आले आहे.

या ठिकाणी आढळले शहर व परिसरात बाधित:

चंद्रपूर शहर व परिसरातील सरकार नगर, विठ्ठल मंदिर वार्ड, इंदिरानगर, घुटकाळा वार्ड, नगीना बाग, म्हाडा कॉलनी परिसर, हनुमान नगर तुकुम, बाबुपेठ, ऊर्जानगर, मित्र नगर, सिव्हिल लाइन, घुग्घुस, पडोली, चोर खिडकी परिसर, निर्माण नगर, दुर्गापुर, जटपुरा गेट, रामनगर, कृष्णनगर, पंचशील चौक, सिस्टर कॉलनी परिसर, महाकाली वार्ड, नकोडा, सौगात नगर, दादमहल वार्ड, विद्या नगर वार्ड, भिवापूर वार्ड भागातून पॉझिटिव्ह ठरले आहे.

ग्रामीण भागात या ठिकाणी आढळले बाधित:

पोंभुर्णा तालुक्यातील मोहाळा भागातून बाधित पुढे आले आहे. बल्लारपूर तालुक्यातील बामणी, विवेकानंद वार्ड, विद्या नगर वार्ड, बालाजी वार्ड, राणी लक्ष्मी वार्ड परिसरातून पॉझिटिव्ह ठरले आहे.

चिमूर तालुक्यातील आझाद वार्ड भागातून बाधित पुढे आले आहे. मुल तालुक्यातील वॉर्ड नंबर वार्ड नंबर 7,  वार्ड नंबर 14, वार्ड नंबर 15, वार्ड नंबर 17 परिसरातून बाधित ठरले आहे.

 

कोरपना तालुक्यातील गडचांदूर भागातून पॉझिटिव्ह पुढे आले आहे. वरोरा तालुक्यातील शिवाजी वार्ड, पद्मालय नगर भागातून बाधित पुढे आले आहे. ब्रह्मपुरी तालुक्यातील गुजरी वार्ड, शेष नगर, विद्यानगर, गांधी नगर, कोरंबी, हनुमान परिसरातून बाधित ठरले आहे.

भद्रावती तालुक्यातील चंडिका वार्ड, पंचशील नगर, मोहाबळा, गुरु नगर, आंबेडकर वार्ड, शिवाजीनगर, सुरक्षा नगर भागातून पॉझिटिव्ह ठरले आहे. सिंदेवाही तालुक्यातील रत्नापूर, नवरगाव परिसरातून बाधित ठरले आहे. राजुरा तालुक्यातील चुनाळा, उपरवाही, गांधी चौक भागातून पॉझिटिव्ह पुढे आले आहे.

00000

चंद्रपूर जिल्ह्यातील आतापर्यंत 12522 बाधित कोरोनामुक्त

 

चंद्रपूर जिल्ह्यातील आतापर्यंत 12522 बाधित कोरोनामुक्त

जिल्ह्यात चार बाधितांचा मृत्यू ;197 नव्याने पॉझिटिव्ह

Ø बाधितांची एकूण संख्या 15635

Ø उपचार घेणाऱ्या बाधितांचे संख्या 2882

चंद्रपूर, दि. 30 ऑक्टोबर : जिल्ह्यात गेल्या 24 तासात कोरोनामुळे चार मृत्यू झाले असून 197 नवीन बाधितांची भर पडली आहे. आतापर्यंत बाधितांची एकूण संख्या 15 हजार 635 वर पोहोचली आहे. तसेच 24 तासात 175 बाधित कोरोनातून बरे झाल्याने सुरवाती पासून आतापर्यंत बरे झालेल्यांची संख्या 12 हजार 522 झाली आहे. सध्या 2 हजार 882 बाधितांवर उपचार सुरू आहे. जिल्ह्यात आतापर्यंत 1 लाख 19 हजार 520 नमुन्यांची तपासणी करण्यात आली असून त्यापैकी 1 लाख 2 हजार 332  नमुने निगेटीव्ह आले आहेत.

आज मृत्यू झालेल्या बाधितांमध्ये गडचिरोली जिल्ह्यातील आलापल्ली येथील 55 वर्षीय महिला व आरमोरी येथील 45 वर्षीय पुरुषाचा समावेश आहे. तर सिंदेवाही तालुक्यातील नांदगाव येथील 77 वर्षीय महिला, मुल येथील 80 वर्षीय महिलेचा समावेश आहे. जिल्ह्यात आतापर्यंत 231 बाधितांचे मृत्यू झाले असून यापैकी चंद्रपूर जिल्ह्यातील 216, तेलंगाणा एक, बुलडाणा एक, गडचिरोली सहा, यवतमाळ पाच, भंडारा एक आणि वर्धा येथील एका बाधिताचा समावेश आहे.

तालुकानिहाय बाधितांची संख्या:

जिल्ह्यात 24 तासात पुढे आलेल्या बाधितांमध्ये 113 पुरूष व 84 महिलांचा समावेश आहे. यात चंद्रपूर शहर व परिसरातील 58, पोंभुर्णा तालुक्यातील एक, बल्लारपूर तालुक्यातील 9, चिमुर तालुक्यातील 9,  मुल तालुक्यातील 13, गोंडपिपरी तालुक्यातील सात, जिवती तालुक्यातील दोन, कोरपना तालुक्यातील 14, ब्रह्मपुरी तालुक्यातील 18, नागभीड तालुक्यातील सात,  वरोरा तालुक्यातील 18, भद्रावती तालुक्यातील 13, सावली तालुक्यातील पाच, सिंदेवाही तालुक्यातील 12, राजुरा तालुक्यातील तीन, गडचिरोली सात तर वणी-यवतमाळ येथील एक असे एकूण 197 बाधित पुढे आले आहे.

या ठिकाणी आढळले शहर व परिसरात बाधित:

बालाजी वार्ड, घुटकाळा वार्ड, भिवापुर वॉर्ड, नगीना बाग, पत्रकार नगर, रामनगर, राणी लक्ष्मी वार्ड, कृष्णा नगर, जल नगर वार्ड, इंदिरानगर, रहमत नगर, आंबेडकर नगर बाबुपेठ, साईनगर, हॉस्पिटल वार्ड, समाधी वार्ड, बंगाली कॅम्प परिसर, तुकूम भागातून बाधित ठरले आहे.

ग्रामीण भागात या ठिकाणी आढळले बाधित:

वरोरा तालुक्यातील यात्रा वार्ड, विनायक लेआउट, आनंदवन, हनुमान वार्ड, गांधी वार्ड, मित्र चौक परिसर, इंदिरानगर, राम मंदिर वार्ड, दत्त मंदिर वार्ड परिसरातून पॉझिटीव्ह पुढे आले आहे. ब्रह्मपुरी तालुक्यातील  विद्यानगर, अर्जुनी मोरगाव, चिचखेडा, बोंडेगाव, कोरंबी टोला, बालाजी वार्ड, शांतीनगर परिसरातून बाधित ठरले आहे.

भद्रावती तालुक्यातील मंजुषा लेआउट, जुना सुमठाणा, घोडपेठ, झाडे प्लॉट परिसर, सुरक्षा नगर, कटारिया लेआउट, अहिल्यादेवी नगर परिसरातून पॉझिटिव्ह पुढे आले आहे. राजुरा तालुक्यातील चुनाळा, हनुमान मंदिर सास्ती भागातून बाधित पुढे आले आहे.

सिंदेवाही तालुक्यातील गुंजेवाही, नवरगाव, रत्नापूर, लाडबोरी परिसरातून पॉझिटिव्ह ठरले आहे. नागभीड तालुक्यातील शिवाजी चौक,कोरधा भागातून बाधित पुढे आले आहे.

कोरपना तालुक्यातील  माणिक गड कॉलनी परिसर, गांधी चौक, नांदा फाटा, नोकारी, गडचांदुर, कैलाश नगर मांगोली, पावडे लेआउट, विद्यानगर, शिवनगर वार्ड भागातून बाधित ठरले आहे. मुल तालुक्यातील वार्ड नंबर 11, मारोडा, गडीसुर्ला परिसरातून बाधित ठरले आहे. बल्लारपूर तालुक्यातील  विसापूर,राणी बाई वार्ड परिसरातून पॉझिटिव्ह पुढे आले आहे.

चिमूर तालुक्यातील पिंपळनेरी, गांधी वार्ड, आझाद वार्ड, आबादी वार्ड, किटाळी, शिरपूर, शंकरपुर भागातून बाधित ठरले आहे. गोंडपिपरी तालुक्यातील भंगाराम तळोधी, सुखवासी, धाबा परिसरातून पॉझिटिव्ह पुढे आले आहे.सावली तालुक्यातील चक पिरंजी, विहिरगाव भागातून बाधित ठरले आहे.

00000

ग्रामीण भागातील 10 हजार दिव्यांगांच्या बँक खात्यावर रुपये 500जमा

ग्रामीण भागातील 10 हजार दिव्यांगांच्या बँक खात्यावर रुपये 500 जमा

कोविड-19 पार्श्वभुमीवर जि.प. समाजकल्याण विभागाचा निर्णय

चंद्रपूर, दि. 30 ऑक्टोबर: कोरोना विषाणु प्रादुर्भाव कालावधीत जिल्ह्यातील ग्रामपंचायत हद्दीतील जास्तीत जास्त दिव्यांगांना त्यांच्या मुलभूत गरजा पूर्ण करता याव्या याकरीता आर्थिक मदत पुरविणेकरीता जिल्हा परिषदेच्या अध्यक्षा संध्याताई गुरनुले व समाज कल्याण समितीचे सभापती नागराज गेडाम यांनी दिव्यांग व्यक्तींना निर्वाह भत्ता देणे ही योजना राबविण्याबाबत समाज कल्याण विभागाला निर्देश दिलेत.

या योजने अंतर्गत उपलब्ध निधीच्या मर्यादेनूसार चंद्रपूर जिल्ह्यातील ग्रामीण भागातील एकूण 10 हजार दिव्यांग व्यक्तींच्या बँक खात्यामध्ये प्रत्येकी रु.500 थेट जमा करण्यात येत आहेत, अशी माहिती जिल्हा समाज कल्याण अधिकारी सुनिल जाधव यांनी दिली.

000000

कृषी क्षेत्रातील विद्यार्थ्यांना रोजगार व स्वयंरोजगार संधी

 

कृषी क्षेत्रातील विद्यार्थ्यांना रोजगार व स्वयंरोजगार संधी

याबाबत ऑनलाईन मार्गदर्शन सत्र संपन्न

चंद्रपूर, दि. 30 ऑक्टोंबर:जिल्हा कौशल्य विकास रोजगार व उद्योजकता मार्गदर्शन केंद्राच्या माध्यमातून दिनांक 27 ऑक्टोबर 2020 रोजी ऑनलाईन वेबीनार कार्यक्रम संपन्न झाला. सदर वेबिनारचा लाभ ऑनलाईन पध्दतीने देण्यात आला. वेबिनारचे प्रास्ताविक विकास अधिकारी जिल्हा कौशल्य विकास रोजगार व उद्योजकता मार्गदर्शन केंद्राचे कनिष्ठ कौशल्य विकास अधिकारी वि.बा. गराटे यांनी केले. वेबिनारचे मार्गदर्शक उपसंचालक तथा उपविभागीय कृषी अधिकारी आर.जे मनोहरे हे होते. यांनी यावेळी कृषी क्षेत्रामध्ये पशुपालन, कुक्कुटपालन, विहिरीवरील मोटारपंप दुरूस्ती, कृषी केंद्र चालविणे भाजीपाला विक्री केंद्र चालविणे, भाजीपाला विक्री केंद्र सुरू करणे अशा प्रकारच्या स्वयंरोजगाराच्या संधी उपलब्ध असल्याचे सांगून कृषी क्षेत्रातील विविध योजनेची माहिती दिली.

श्री.मनोहरे यांनी जिल्हा कृषी कार्यालय अंतर्गत चालणाऱ्या योजनांची माहिती तसेच https://mofpi.nic.in/ या संकेतस्थळावर भेट देऊन अधिक माहिती प्राप्त करु शकता असे सांगितले. कृषी क्षेत्रामध्ये रोजगार व स्वयंरोगाराच्या अनेक संधी उपलब्ध आहेत त्यावर विद्यार्थ्यांनी लक्ष केंद्रित करावे असे मार्गदर्शन यांचेकडून करण्यात आले.

या वेबीनार मध्ये उस्फुर्त प्रतिसाद विद्यार्थ्यांकडून मिळाला. विद्यार्थ्यांनी विचारलेल्या प्रश्नांचे समाधान करण्यात आले, असे या वेबिनारचे आयोजक जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त भैय्याजी येरमे यांनी कळविले आहे.

00000

पाणीपुरवठा योजनेसाठी सौर ऊर्जेचा अभिनव उपक्रम राबविणार : पालकमंत्री विजय वडेट्टीवार

 पाणीपुरवठा योजनेसाठी सौर ऊर्जेचा अभिनव उपक्रम राबविणार : पालकमंत्री विजय वडेट्टीवार

जिल्हा नियोजन समितीची सभा संपन्न

Ø  मावा, तुडतुडे, बोंडअळी, लाल्या मुळे नुकसानग्रस्त शेतीचे सर्व्हे पुर्ण करण्याचे निर्देश

चंद्रपूर दि.29 ऑक्टोबर, : विद्युत पुरवठ्यातील तांत्रीक अडचणीमुळे पाणीपुरवठ्याच्या विविध योजना बंद पडतात, त्यावर कायमस्वरूपी उपाययोजनेकरिता जिल्ह्यात अभिनव प्रयोग म्हणून दोन ते तीन मेगावॅट उर्जेचा सोलर पॉवर प्रकल्प उभारण्यात येईल, असे पालकमंत्री विजय वडेट्टीवार यांनी सांगितले.

नियोजन भवन मध्ये जिल्हा नियोजन समितीच्या सभेत पाणीपुरवठ्याचा आढावा घेतांना ते बोलत होते. सभेला जिल्हा परिषदेच्या अध्यक्षा संध्या गुरनुले, खासदार अशोक नेते, आमदार प्रतिभा धानोरकर, आमदार सुभाष धोटे, आमदार किशोर जोरगेवार, जिल्हाधिकारी अजय गुल्हाने, मुख्य कार्यकारी अधिकारी राहुल कर्डिले, नियोजन उपायुक्त श्री. सुपे, अतिरीक्त जिल्हाधिकारी विद्युत वरखेडकर, नियोजन अधिकारी अधिकारी गजानन वायाळ, उपविभागिय अधिकारी रोहन घुगे प्रामुख्याने उपस्थित होते.

कृषी विभागाचा आढावा घेतांना जिल्ह्यातील शेत पिकांवर मावा, तुडतुडे, बोंडअळी, लाल्या या रोगांमुळे धान व कापूस पिकांचे 5 हजार 700 हेक्टर क्षेत्रात आतापर्यंत नुकसान झाले आहे. सर्व नुकसान ग्रस्तांच्या शेतीचे तातडीने सर्वेक्षण करून त्यांना मदत मिळण्याबाबतचे प्रस्ताव सादर करावे. जिल्ह्याचा पालकमंत्री म्हणूनच नव्हे तर आपत्ती व्यवस्थापन तसेच मदत व पुनर्वसन मंत्री म्हणून जिल्ह्यासाठी मदतनिधी खेचून आणू असे पालकमंत्री विजय वडेट्टीवार यांनी सांगितले. तसेच पिक विमा कंपन्यांकडूनही तातडीने मदत मिळावी यासाठी  लवकरच त्यांचेसमवेत बैठक घेण्यात येणार असल्याचे त्यांनी सांगितले.

जिल्ह्यात अनेक ठिकाणी सौर कृषी पंप बंद आहेत, त्यांची दुरूस्ती तात्काळ संबंधीत कंपनीकडून करून घेणे आवश्यक आहे. मात्र कृषीपंप दुरूस्ती करून घेण्याकडे पुरेसे लक्ष देण्यात येत नसल्याबाबत त्यांनी  नाराजी व्यक्त केली.

यावेळी पालकमंत्र्यांनी विद्युत विभाग, पाणीपुरवठा, सार्वजनिक बांधकाम, सिंचन, आदिवासी विकास, कृषी, आरोग्य, नगरविकास व इतर विभागांचा आढावा घेतला.

नियोजन समितीच्या बैठकीला जिल्हा अधिक्षक कृषी अधिकारी डॉ. उदय पाटील,  विद्युत वितरण कंपनीच्या अधिक्षक अभियंता श्रीमती चिवंडे, जिल्हा शल्य चिकीत्सक डॉ. निवृत्ती राठोड, शासकीय वैद्यकीय महाविद्यालयाचे अधिष्ठाता डॉ. अरुण हुमणे, निवासी उपजिल्हाधिकारी मनोहर गव्हाड, जिल्हा आरोग्य अधिकारी डॉ. राजकुमार गहलोत, एकात्मिक आदिवासी विकास प्रकल्प चिमूरचे प्रकल्प अधिकारी केशव बावनकर, निलय राठोड, नगरविकास विभागाचे विजय सरनाईक, सहाय्यक जिल्हा नियोजन अधिकारी रुपेश राऊत, जिल्हा ग्रंथालय अधिकारी श्री. सोनुने तसेच संबंधीत अधिकारी प्रामुख्याने उपस्थ‍ित होते.

00000

राज्यात सर्वाधिक रुग्णवाहिका असलेला चंद्रपूर दुसरा जिल्हा

 

राज्यात सर्वाधिक रुग्णवाहिका असलेला चंद्रपूर दुसरा जिल्हा

पालकमंत्री ना. विजय वडेट्टीवार यांच्या हस्ते 38 रुग्णवाहिकेचे लोकार्पण

Ø तातडीची वैद्यकीय सेवा पुरविण्यास मिळणार मदत

चंद्रपूर, दिनांक 29 ऑक्टोबर : कोरोनाचा वाढता प्रादुर्भाव रोखण्यासाठी जिल्हा प्रशासनाच्या वतीने विविध उपाययोजना केल्या जात आहे. कोरोना काळात तसेच गंभीर परिस्थितीत रुग्णाला कमीतकमी वेळेत दवाखान्यात पोहचविण्यासाठी व तातडीचे उपचार मिळण्यासाठी लाईफ सपोर्टची पुर्ण व्यवस्था असलेल्या 38 अद्यावत रुग्णवाहिका नागरिकांच्या सेवेत उपलब्ध करुन देण्यात येत आहे. यामुळे चंद्रपुर जिल्हा हा राज्यात पुण्यानंतर सर्वाधिक रुग्णवाहिका असलेला जिल्हा ठरला असल्याचे प्रतिपादन पालकमंत्री विजय वडेट्टीवार यांनी आज केले.

आज जिल्हाधिकारी कार्यालयातील नियोजन भवन परीसरात या रुग्णवाहिकांचा लोकार्पण सोहळा पालकमंत्री ना.विजय वडेट्टीवार यांच्या हस्ते हिरवी झेंडी दाखवून पार पडला. यावेळी जिल्हा परिषदेच्या अध्यक्षा संध्या गुरनुले, आमदार प्रतिभा धानोरकर, आमदार सुभाष धोटे, आमदार किशोर जोरगेवार, जिल्हाधिकारी अजय गुल्हाने, मुख्य कार्यकारी अधिकारी राहुल कर्डिले, अतिरीक्त जिल्हाधिकारी विद्युत वरखेडकर, जिल्हा शल्य चिकी‌त्सक डॉ. निवृत्ती राठोड, शासकीय वैद्यकीय महाविद्यालयाचे अधिष्ठाता डॉ. अरुण हुमणे, निवासी उपजिल्हाधिकारी मनोहर गव्हाड, उपविभागिय अधिकारी रोहन घुगे, जिल्हा आरोग्य अधिकारी डॉ. राजकुमार गहलोत प्रामुख्याने उपस्थ‍ित होते.

जिल्ह्याच्या खनिज विकास निधीतून सर्व सुविधायुक्त 38 रुग्णवाहिका खरेदी करण्यात आल्या आहेत. या रुग्णवाहीका वातानुकुलीत असून अत्यावश्यक सोईसुविधांनी सुसज्ज आहेत. या रुग्णवाहिका ग्रामीण रुग्णालय व प्राथमिक आरोग्य केंद्रात देण्यात येणार आहेत. याशिवाय सहा रुग्णवाहीका वैद्यकीय महाविद्यालयास देण्यात येणार आहेत. जिल्हाभरात हेल्थ मिशन राबविणे व ग्रामीण पातळीपर्यंत आरोग्य यंत्रणा अद्यावत करण्याचा मानस असल्याचे ना. वडेट्टीवार यांनी यावेळी सांगितले.

00000

गेल्या 24 तासात एकही बाधिताचा मृत्यू नाही

 गेल्या 24 तासात एकही बाधिताचा मृत्यू नाही; 161 नव्याने पॉझिटीव्ह

जिल्ह्यात आतापर्यंत 12347 बाधित झाले बरे

Ø उपचार घेत असलेले बाधित 2864

Ø  जिल्ह्यातील एकुण बाधितांची संख्या 15438

चंद्रपूर, दि. 29 ऑक्टोबर: जिल्ह्यात मागील 24 तासात एकही बाधिताचा मृत्यू झाला नाही तर 148 जणांनी कोरोनावर मात केल्याने त्यांना रुग्णालयातून सुटी देण्यात आली आहे. तसेच 161 जण नव्याने पॉझिटिव्ह आले आहेत.

नव्याने पॉझिटिव्ह आलेल्या 161 बाधितांसोबत आतापर्यंत एकूण बाधितांची संख्या 15 हजार 438 वर पोहोचली आहे. तसेच 24 तासात 148  बाधित कोरोनातून बरे झाल्याने सुरुवाती पासून आतापर्यंत बरे झालेल्यांची संख्या 12 हजार 347 झाली आहे.  सध्या 2 हजार 864 बाधितांवर उपचार सुरू आहे. जिल्ह्यात आतापर्यंत 1 लाख 18 हजार 630 नमुन्यांची तपासणी करण्यात आली असून त्यापैकी एक लाख एक हजार 603 नमुने निगेटीव्ह आले आहे.

जिल्ह्यात सुरवातीपासून आतापर्यंत 227 बाधितांचे मृत्यू झाले असून यापैकी चंद्रपूर जिल्ह्यातील 214, तेलंगाणा एक, बुलडाणा एक, गडचिरोली चार, यवतमाळ पाच, भंडारा एक आणि वर्धा येथील एका बाधिताचा समावेश आहे.

नागरिकांनी बाहेर पडतांना तसेच सार्वजनिक ठिकाणी मास्कचा वापर करावा तसेच दैनंदिन कामे करताना सोशल डिस्टंसिंग पाळावे, असे आवाहन जिल्हा प्रशासनाने केले आहे.

तालुकानिहाय बाधितांची संख्या:

जिल्ह्यात 24 तासात पुढे आलेल्या 161  बाधितांमध्ये 112 पुरुष व 49 महिला आहेत. यात  चंद्रपूर शहर व परीसरातील 53, पोंभुर्णा तालुक्यातील तीन, बल्लारपूर तालुक्यातील सात, चिमूर तालुक्यातील पाच, मुल तालुक्यातील 14, गोंडपिपरी तालुक्यातील तीन, कोरपना तालुक्यातील 18, ब्रह्मपुरी तालुक्यातील 17, नागभिड तालुक्यातील एक,   वरोरा तालुक्यातील चार, भद्रावती तालुक्यातील 16, सावली तालुक्यातील एक, सिंदेवाही तालुक्यातील पाच, राजुरा तालुक्यातील आठ तर गडचिरोली येथील सहा असे एकूण 161 बाधित पुढे आले आहे.

00000

जिल्ह्यात आरोग्य यंत्रणा बळकट करण्यावर भर देणार : पालकमंत्री विजय वडेट्टीवार

 

जिल्ह्यात आरोग्य यंत्रणा बळकट करण्यावर भर देणार : पालकमंत्री विजय वडेट्टीवार

Ø खांबाडा आरोग्यवर्धिनी उपकेंद्राचे लोकार्पण

Ø खांबाडा जि.प. शाळेच्या दोन वर्गखोल्या बांधकामाचे भूमिपूजन

चंद्रपूर, दि. 29 ऑक्टोबर :  कोरोना महामारीच्या काळात नागरिकांना आरोग्य सुविधा तत्परतेने उपलब्ध होण्यासाठी आरोग्य यंत्रणा अधिक बळकट करण्यावर भर देण्यात येत आहे.  जिल्ह्यातील आरोग्य यंत्रणा सक्षम करण्यासाठी नियोजन करण्यात आले असून त्याची अंमलबजावणी देखील सुरू झाली आहे, असे प्रतिपादन राज्याचे आपत्ती व्यवस्थापन, मदत व पुनर्वसन, इतर मागास बहुजन कल्याण मंत्री तथा जिल्ह्याचे पालकमंत्री ना.विजय वडेट्टीवार यांनी खांबाडा आरोग्य उपकेंद्राच्या लोकार्पण प्रसंगी केले.

            वरोरा तालुक्यातील आरोग्यवर्धीनी उपकेंद्र खांबाडाचे उद्घाटन व लोकार्पण पालकमंत्री विजय वडेट्टीवार यांच्या हस्ते आज करण्यात आले. कार्यक्रमाच्या अध्यक्षस्थानी आमदार प्रतिभा धानोरकर या होत्या. यावेळी  जिल्हा आरोग्य अधिकारी डॉ. राजकुमार गहलोत, जिल्हा परिषद बांधकाम विभागाचे कार्यकारी अभियंता अविनाश बांगडे, वरोराचे उपविभागीय अधिकारी श्री.शिंदे, तहसीलदार श्री. काळे, गटविकास अधिकारी संजय बोदेले, वरोरा पंचायत समिती सभापती रवींद्र धोपटे, उपसभापती संजीवनी भोयर प्रामुख्याने उपस्थित होते.

            नागरिकांना अत्यावश्यक प्रसंगी तातडीने दवाखाण्यात पोहचण्यासाठी  जिल्ह्यातील सर्व आरोग्य केंद्राकरिता खनिज निधीतून  सर्व सोयीसुविधायुक्त एकूण 38 ॲम्बुलन्स घेण्यात आल्या असल्याचे त्यांनी सांगितले. नागरिकांच्या आरोग्याची काळजी घेण्यासाठी राज्य शासनातर्फे देखील अर्थसंकल्पात भरीव तरतूद करण्यात येणार असल्याची माहिती त्यांनी यावेळी दिली.

शासन नागरिकांच्या आरोग्याची काळजी घेतच आहे. मात्र जनतेनेही स्वतःची काळजी स्वतः घेणे आवश्यक आहे. नागरिकांनी अंगावर दुखणे काढू नये व वेळीच दवाखान्यात जाऊन तपासणी करून घ्यावी असे आवाहन ना. वडेट्टीवार यांनी केले. माझे कुटुंब-माझी जबाबदारी या मोहिमेअंतर्गत दुसऱ्या टप्प्याचे काम पूर्ण होत आले आहे. या मोहिमेच्या माध्यमातून जिल्ह्यातील सर्व नागरिकांच्या घरापर्यंत पोहोचून त्यांची काळजी घेणाऱ्या सर्व आरोग्य कर्मचारी, अंगणवाडी सेविका, आशा सेविका व त्यांच्या चमूचे अभिनंदन करत असल्याचेही त्यांनी सांगितले.

आमदार प्रतिभाताई धानोरकर यांनी यावेळी सांगितले की गावातील नागरिकांना उपचारासाठी पुर्वी दूरच्या ठीकाणी जावे लागत होते. मात्र आता गावातच आरोग्य उपकेंद्र झाल्याने येथील व आजूबाजूच्या गावातील नागरिकांना घराजवळच आरोग्य सुविधा उपलब्ध झाली आहे.आरोग्य उपकेंद्राची सुसज्ज व सुविधायुक्त इमारत उभी झाली असून सदर इमारतीमध्ये लसीकरण कक्ष, ओपीडी कक्ष, तपासणी कक्ष, अभ्यागत कक्ष उभारण्यात आले असल्याचे माहिती जिल्हा आरोग्य अधिकारी डॉ. राजकुमार गहलोत यांनी दिली.

खांबाडा जि.प. शाळेच्या दोन वर्गखोल्या बांधकामाचे भूमिपूजन:

खांबाडा येथील जिल्हा परिषद प्राथमिक शाळेच्या दोन वर्गखोल्या बांधकामाचे भूमिपूजन पालकमंत्री वडेट्टीवार यांच्या हस्ते यावेळी करण्यात आले.

वरील कार्यक्रम प्रसंगी तालुका आरोग्य अधिकारी डॉ. प्रतिक बोरकर, केंद्रप्रमुख श्री.कुचनकर, जिल्हा परिषद प्राथमिक शाळेचे मुख्याध्यापक वसंत पडवे, शाळेतील शिक्षकवृंद, आरोग्य विभागाचे अधिकारी, कर्मचारी तसेच गावातील नागरिक उपस्थित होते.

00000