मिशन बिगीन अगेन आदेशास 28 फेब्रुवारी पावेतो मुदतवाढ

 मिशन बिगीन अगेन आदेशास 28 फेब्रुवारी पावेतो मुदतवाढ

 चंद्रपूर, दि. 2 फेब्रुवारी :  जिल्ह्यात मिशन बिगीन अगेन अंतर्गत राज्य शासनाच्या सूचनेनुसार वेळोवेळी निर्गमित केलेल्या आदेश व सुचना यांना दिनांक 28 फेब्रुवारी 2021 पावेतो मुदतवाढ देण्यात येत असल्याचे आदेश जिल्हाधिकारी अजय गुल्हाने यांनी दिले आहेत.

            कोरोना विषाणू संसर्गाचा प्रादुर्भावानुसार घोषित करण्यात आलेले लॉकडाऊन टप्पेनिहाय समाप्त करणे आणि निर्बंध कमी करण्याकरिता मिशन बिगीन अगेन बाबत वेळोवेळी सुधारित आदेश निर्गमित करण्यात आले आहेत. या आदेशांना 28 फेब्रुवारी पर्यंत मुदतवाढ देण्यात आली असून सर्व संबंधीत प्रशासकीय विभाग प्रमुख यांनी आदेशाची काटेकोरपणे अंमलबजावणी करावी. टाळाटाळ केल्यास अथवा विरोध दर्शविल्यास संबंधीतांविरूद्ध आपत्ती व्यवस्थापन कायदा, भारतीय दंड संहिता, साथरोग कायदा व व इतर संबंधीत कायद्यान्वये कारवाई करण्यात येईल, असेही जिल्हाधिकारी यांचे आदेशात नमुद करण्यात आले आहे.

0000

पांदन रस्त्यांची कामे तातडीने पुर्ण करा – पालकमंत्री विजय वडेट्टीवार

 

पांदन रस्त्यांची कामे तातडीने पुर्ण करा

 – पालकमंत्री विजय वडेट्टीवार

चंद्रपूर, दि. 1 :  जिल्ह्यात पांदन रस्त्यांची कामे मागील वर्षीच्या तुलनेत कमी प्रमाणात आहे. सामान्य नागरिकांना पांदन रस्त्याअभावी त्रास होऊ नये, तसेच मजुरांना मागणीप्रमाणे कामे मिळावी म्हणून नियोजनपुर्वक पांदन रस्त्यांच्या व मनरेगाच्या कामात वाढ करून ती कामे तातडीने पुर्ण करण्याचे निर्देश पालकमंत्री विजय वडेट्टीवार यांनी आज दिले.

            पालकमंत्री पांदन रस्ते योजना व महात्मा गांधी राष्ट्रीय ग्रामीण रोजगार हमी योजनेची आढावा बैठक आज जिल्हाधिकारी कार्यालयाच्या वीस कलमी सभागृहात आयोजित करण्यात आली होती. यावेळी पालकमंत्री  बोलत होते. बैठकीला जिल्हाधिकारी अजय गुल्हाने, अपर जिल्हाधिकारी विद्युत वरखेडकर, उपजिल्हाधिकारी पल्लवी घाटगे, उपमुख्य कार्यकारी अधिकारी (नरेगा) मंगेश आरेवार, उपवनसंरक्षक अरविंद मुंढे, दीपक मल्होत्रा, विभागीय वन अधिकारी एस.व्ही.जगताप प्रामुख्याने उपस्थित होते.

मनरेगा फळबाग योजनेअंतर्गत संत्रा लागवडीसाठी चंद्रपूर जिल्ह्याचा समावेश करण्याबाबत पंजाबराव कृषी विद्यापीठ यांचेशी बोलणे करण्यात येईल, असे पालकमंत्री यांनी यावेळी सांगितले.

            जिल्ह्यात मनरेगा अंतर्गत सध्या 56 हजार 760 ग्रामपंचायतीची व 4 हजार 258 यंत्रणेची कामे मंजूर असून आज रोजी 1292 कामे ग्रामपंचायतीची  आणि 93 कामे यंत्रणांची सूरू आहेत.  सध्या एकूण 1 लाख 48 हजार 626 जॉबकार्ड धारक कार्यरत आहेत. तसेच महात्मा गांधी राष्ट्रीय ग्रामीण रोजगार हमी योजनेअंतर्गत चालु आर्थिक वर्षात आतापर्यंत मासिक मनुष्य दिन निर्मितीची टक्केवारी 98.28 टक्के असल्याची माहिती रोजगार हमी योजनेच्या उपजिल्हाधिकारी पल्लवी घाटगे यांनी दिली.

            यावेळी संबंधीत अधिकारी उपस्थित होते.

0 0 0

गत 24 तासात 13 कोरोनामुक्त

गत 24 तासात 13 कोरोनामुक्त ; सहा पॉझिटिव्ह

Ø  आतापर्यंत 22,567 जणांची कोरोनावर मात

Ø  ॲक्टीव पॉझिटिव्ह 121

 

चंद्रपूर, दि. 1 :  जिल्ह्यात मागील 24 तासात 13 जणांनी कोरोनावर मात केल्याने त्यांना रुग्णालयातून सुटी देण्यात आली आहे. तर सहा कोरोनाबाधीत रुग्णांची नव्याने भर पडली आहे.

जिल्ह्यात आतापर्यंत एकूण बाधितांची संख्या 23 हजार 80 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 22 हजार 567 झाली आहे. सध्या 121 बाधितांवर उपचार सुरू आहे. जिल्ह्यात आतापर्यंत दोन लाख 586 नमुन्यांची तपासणी करण्यात आली असून त्यापैकी एक लाख 75 हजार 704 नमुने निगेटीव्ह आले आहेत.

            जिल्ह्यात आतापर्यंत 392 बाधितांचे मृत्यू झाले असून यापैकी चंद्रपूर जिल्ह्यातील 354, तेलंगणा एक, बुलडाणा एक, गडचिरोली 19, यवतमाळ 15, भंडारा एक आणि वर्धा येथील एका बाधिताचा समावेश आहे.

आज बाधीत आलेल्या सहा रुग्णांमध्ये चंद्रपूर महानगर पालीका क्षेत्रातील एक, चंद्रपुर तालुक्यातील एक, बल्लारपुर एक, ब्रम्हपुरी दोन व येथील चिमूर एका रुग्णांचा समावेश आहे.

कोरोना आजार अद्याप गेलेला नाही, कोरोनाचे रूग्ण कमी-अधिक प्रमाणात बहुतांश तालुक्यातुन अद्यापही आढळून येत आहेत. तरी नागरिकांनी स्वत:च्या आरोग्याबाबत जागरूक राहावे, बाहेर निघतांना नियमितपणे मास्कचा वापर करावा, वेळोवेळी हात स्वच्छ करावे तसेच प्रशासनाने घालून दिलेल्या नियमांचे पालन करावे, असे आवाहन जिल्हाधिकारी अजय गुल्हाने यांनी केले आहे.

0000

पोलीओचे रुग्ण भारतात आढळून येत नाही हा देशासाठी गौरव - जिल्हा परिषद अध्यक्षा संध्या गुरनुले

 

पोलीओचे रुग्ण भारतात आढळून येत नाही हा देशासाठी गौरव 

- जिल्हा परिषद अध्यक्षा संध्या गुरनुले

                                              

 पल्स पोलिओ मोहिमेचे जिल्हा सामान्य रुग्णालय येथे जिल्हास्तरीय शुभारंभ

 

चंद्रपूर, दि. 31 : जिल्ह्यात जिल्हा आरोग्य प्रशासनाचे वतीने पल्स पोलिओ लसीकरण मोहिम कार्यक्रमाचे उद्घाटन जिल्हा परिषद, अध्यक्षा संध्या गुरनुले यांचे अध्यक्षतेखाली  व शुभहस्ते जिल्हा सामान्य रुग्णालय येथील पोलिओ बुथवर बालकास पोलिओ डोज पाजुन शुभारंभ करण्यात आला. त्याप्रसंगी  जिल्हाधिकारी अजय गुल्हाने,  मुख्य कार्यकारी अधिकारी राहुल कर्डिले  प्रमुखस्थानी  उपस्थित होते. सोबत डॉ.राजकुमार गहलोत ,जिल्हा आरोग्य अधिकारी, जि.प.चंद्रपूर, डॉ. निवृत्ती राठोड, जिल्हा शल्य चिकित्सक, सा. रु.चंद्रपूर, डॉ. सोनारकर, वैद्यकिय अधिक्षक, शासकिय वैद्यकिय महाविद्यालय, चंद्रपूर  डॉ. हेमचंद कन्नाके, निवासी वैद्यकिय अधिक्षक बाहयसंपर्क , सा. रु. चंद्रपूर डॉ. राहुल भोंगळे, बालरोग तज्ञ, डॉ धवस, जनरल फिजीशीयन, उपस्थित होते.

 

यावेळी  कार्यक्रमाचे अध्यक्ष   संध्याताई गुरनुले  यांनी भारत  देशात पल्स पोलीओची  मोहिम  सुरुवातीपासुन उत्कृष्टपणे राबविण्यात आली,  त्यामुळे आजघडीला एकही पोलीओचा रुग्ण भारतात आढळून येत नाही  ही देशासाठी  गौरवाची  बाब आहे, असे सांगीतले. परंतु अजुनही आपल्या आसपासच्या देशात पोलीओचे रुग्ण आढळून येत आहेत त्यामुळे पोलीओचे समुळ उच्चाटनाकरीता  ही मोहिम राबविण्यात येत आहे.  सुदृढ बालके ही राष्ट्राची संपत्ती आहे. त्यांच्या आरोग्याकडे नियमित लक्ष देने गरजेचे आहे व त्यामुळेच बालके निरोगी राहण्यासाठी लसीकरण करणे आवश्यक आहे. याकरीता केंद्र व राज्यशासनातर्फे 31 जानेवारी या दिवशी पोलीओ मोहीम संपुर्ण भारतात एकाच वेळी राबविण्यात येत आहे. तरी संपुर्ण भारत पोलिओ मुक्त होने करीता सदर मोहिमेचा लाभ घ्यावा, असे आवाहन जनतेला केले. यावेळी आ. किशोर जोरगेवार यांनी देखील बालकास पोलिओ डोज पाजला.

 

तसेच जिल्हाधिकारी अजय गुल्हाने,  मुख्य कार्यकारी अधिकारी राहुल कर्डिले यांनीसुध्दा पोलीओ मोहिमचे महत्व यावेळी विशद केले व पालकांनी आपल्या बालकांना पोलीओ डोज द्यावा असे आवाहन केले. तसेच डॉ.राजकुमार गहलोत यांनी आपले प्रास्ताविकपर मार्गदर्शनात पल्स पोलीओ लसीकरणाबाबत वितृत माहिती यावेळी दिली.

 

सदर कार्यक्रमाचे संचालन डॉ. गजानन राउत, जिल्हा आयुष अधिकारी, यांनी केले तर कार्यक्रम यशस्वीतेकरीता  जिल्हा आरोग्य प्रशासनातर्फे सुभाष सोरते, आर्टीस्ट , श्रीमती छाया पाटील पीएचएन, श्रीमती चंदा डहाके, एएनएम, शोभा भगत, पीएचएन व इतर कर्मचारी यांनी परिश्रम घेतले.

 

 राष्ट्रीय पल्स पोलीओ मोहिमेप्रसंगी जिल्ह्यात शहरी ,ग्रामीण भागात बालकांना पोलिओ डोज पाजण्यात येत आहे. व ज्या बालकांना अनवधानाने पोलीओ डोज मिळालेला नाही त्यांचेकरीता दिनांक 1 ते 3 फेब्रुवारी पर्यंत ग्रामीण भागात  व 5 फेब्रुवारी पर्यंत शहरी भागात आय.पी.पी.आय. अंतर्गंत घरोघरी जाउन आरोग्य कर्मचारी यांच्या मार्फत पोलिओ डोज पाजण्यात येणार आहे. तरी जनतेने सहकार्य करण्याचे आवाहन करण्यात येत असल्याचे जिल्हा आरोग्य अधिकारी राजकुमार गहलोत यांनी कळविले आहे.

0000

पालकमंत्री ना. विजय वडेट्टीवार यांचा दौरा

 

पालकमंत्री ना. विजय वडेट्टीवार यांचा दौरा

 चंद्रपूर, दि. 31 जानेवारी : राज्याचे इतर मागास बहुजन कल्याण विभाग, खार जमिनी विकास, आपत्ती व्यवस्थापन, मदत व पुनर्वसन मंत्री तथा जिल्ह्याचे पालकमंत्री ना. विजय वडेट्टीवार यांचा दिनाक 1 फेब्रुवारी रोजी चंद्रपूर जिल्ह्याच्या दौऱ्यावर येत आहेत. त्यांचा दौरा कार्यक्रम पुढीलप्रमाणे आहे.

दिनांक 1 फेब्रुवारी 2021 रोजी सकाळी 11 वा. जिल्हाधिकारी कार्यालय चंद्रपूर येथे गडचिरोलीहून आगमन व जिल्हाधिकारी यांचेसमवेत विकास कामासंदर्भात चर्चा. स. 11.30 वा. ग्रामीण मार्ग व जिल्हा मार्ग योजनेअंतर्गत निवड व सनियंत्रण समितीची जिल्हाधिकारी कार्यालयातील वीसकलमी सभागृहात बैठक.  दु. 1 वा.  मग्रारोहयो संदर्भात विसकलमी सभागृहात संबंधीत अधिकाऱ्यांसमवेत आढावा बैठक.  दु. 2.30 वा. आदिवासी विकास महामंडळ व मार्केटिंग फेडरेशनच्या वतीने सुरू असलेल्या धान्य खरेदी बाबत संबंधीत अधिकाऱ्यांसमवेत विस कलमी सभागृह येथे आढावा बैठक. सायं. 5 वा. नागपूरकडे प्रयाण.

0 0 0