चंद्रपूर, दि.26 जानेवारी : राज्य शासनाची गरीब, गरजू व्यक्तीसाठी सवलतीच्या दरात भोजन देण्याची योजना अर्थात शिव भोजन योजना चंद्रपूर जिल्ह्यात प्रजासत्ताक दिनाला सुरू करण्यात आली. राज्याचे मदत व पुनर्वसन मंत्री तथा चंद्रपूर जिल्ह्याचे पालकमंत्री विजय वडेट्टीवार यांनी स्वतः थाळी देऊन या योजनेचा शुभारंभ केला.
ध्वजारोहणानंतर बस स्टॅन्ड परिसरातील या शिवभोजन योजनेला सुरुवात करण्यात आली. यावेळी खासदार सुरेश धानोरकर ,आमदार किशोर जोरगेवार, जिल्हाधिकारी डॉ. कुणाल खेमनार, जिल्हा पुरवठा अधिकारी आर. आर. मिस्कीन उपस्थित होते.
चंद्रपूर जिल्ह्यामध्ये बस स्टँड परिसर, गंज वार्ड भाजीपाला बाजार, जिल्हा सामान्य रुग्णालय या तीन ठिकाणी या योजनेचा शुभारंभ करण्यात आला आहे. सध्या जिल्हास्तरावर प्रायोगिक स्तरावर ही योजना राबविण्यात येत असून पुढील काळात तालुका व ग्रामीण स्तरावर देखील ही योजना राबविली जाणार आहे.
000000
No comments:
Post a Comment