गत 24 तासात 23 कोरोनामुक्त

 गत 24 तासात 23 कोरोनामुक्त

31 नव्याने पॉझिटिव्ह

 Ø  आतापर्यंत 1,85,516 नमुन्यांची तपासणी

Ø  उपचार घेत असलेले बाधित 347 

 

चंद्रपूर, दि. 10 जानेवारी : जिल्ह्यात मागील 24 तासात 23 जणांनी कोरोनावर मात केल्याने त्यांना रुग्णालयातून सुटी देण्यात आली आहे. तर 31 कोरोनाबाधीत रुग्णांची नव्याने भर पडली आहे.

जिल्ह्यात आतापर्यंत एकूण बाधितांची संख्या 22 हजार 683 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 21 हजार 959 झाली आहे. सध्या 347 बाधितांवर उपचार सुरू आहे. जिल्ह्यात आतापर्यंत एक लाख 85 हजार 516 नमुन्यांची तपासणी करण्यात आली असून त्यापैकी एक लाख 60 हजार 596 नमुने निगेटीव्ह आले आहेत.

जिल्ह्यात आतापर्यंत 377 बाधितांचे मृत्यू झाले असून यापैकी चंद्रपूर जिल्ह्यातील 344, तेलंगणा एक, बुलडाणा एक, गडचिरोली 18, यवतमाळ 11, भंडारा एक आणि वर्धा येथील एका बाधिताचा समावेश आहे.

आज बाधीत आलेल्या 31 रुग्णांमध्ये चंद्रपूर महानगर पालीका क्षेत्रातील 16, चंद्रपूर तालुक्यात एक,  बल्लारपुर एक, भद्रावती सात, ब्रम्हपुरी एक, मूल एक, चिमूर एक, कोरपना एक व इतर ठिकाणचे दोन रुग्णांचा समावेश आहे.

कोरोना आजार अद्याप गेलेला नाही, कोरोनाचे रूग्ण कमी-अधिक प्रमाणात बहुतांश तालुक्यातुन अद्यापही आढळून येत आहेत. तरी नागरिकांनी स्वत:च्या आरोग्याबाबत जागरूक राहावे, बाहेर निघतांना नियमितपणे मास्कचा वापर करावा, वेळोवेळी हात स्वच्छ करावे तसेच प्रशासनाने घालून दिलेल्या नियमांचे पालन करावे, असे आवाहन जिल्हाधिकारी अजय गुल्हाने यांनी केले आहे.

000