एकात्मिक फलोत्पादन विकास अभियान विस्तार कार्यक्रम

 

एकात्मिक फलोत्पादन विकास अभियान विस्तार कार्यक्रम

चंद्रपूर,दि. 20 मे : एकात्मिक फलोत्पादन विकास अभियान अंतर्गत सन 2025-26 अंतर्गत फळे, फुले, मसाला लागवड, अळिंबी उत्पादन प्रकल्प व जुन्या फळबागांचे पुनरूज्जीवन हा घटक राबविण्यात येत आहे. यामध्ये विदेशी फळे, फुले, मसाला लागवड व आंबा, चिकू, संत्रा, मोसंबी, लिंबु, पेरु, आवळा या फळपिकांच्या जुन्या फळबागांचे पुनरूज्जीवन करणे तसेच अळिंबी उत्पादन प्रकल्प उभारणी करणे या बाबींचा समावेश आहे.          या घटकांचे अनुदान खालीलप्रमाणे आहे.

फुले लागवड : कट फ्लावर्स (गुलाब, अॅस्टार, बर्ड ऑफ पॅराडाईज, हेलिकोनियास, गोल्डन रॉड, शेवंती इ.) खर्च मर्यादा 1.25 लक्ष रुपये प्रति हेक्टर, अनुदान मर्यादा एकूण खर्चाच्या 40 टक्के, 60:40 या प्रमाणात दोन हप्त्यात, कमाल 50 हजार रुपये प्रति हेक्टर. 

कंदवर्गीय फुले : (निशिगंध , ग्लॅडीओलस, लिलिज, लिलियम, कैलालिली, डेलिया इ.) खर्च मर्यादा. 2.50 लक्ष रुपये प्रति हेक्टर,  एकूण खर्चाच्या 40 टक्के, 60:40 या प्रमाणात दोन हप्त्यात कमाल 1 लक्ष रुपये प्रति हेक्टर. 

सुटी फुले : (झेंडू अॅस्टर, गॅलार्डिया, हेलिक्रायसम, शेवंती, मोगरा, जाई, जुई, झिनीया, बिजली) खर्च मर्यादा 50 हजार रुपये प्रति हेक्टर, एकूण खर्चाच्या 40 टक्के 60:40 या प्रमाणात दोन हप्त्यात, कमाल 20 हजार प्रति हेक्टर.

मसाला पीक लागवड : बियावर्गीय व कंदवर्गीय मसाला पिके, मिरची, हळद व आले रुपये 50 हजार रुपये प्रति हेक्टर, एकूण खर्चाच्या 40 टक्के 60:40 या प्रमाणात दोन हप्त्यात, कमाल 20 हजार रुपये प्रति हेक्टर.

बहुवर्षिय मसाला पिके काळी मिरी, कोकम इ.  1 लक्ष रुपये प्रति हेक्टर, एकूण खर्चाच्या 40 टक्के 60:40 या प्रमाणात दोन हप्त्यात. कमाल 40 हजार प्रति हेक्टर.

विदेशी फळ पीक : ड्रगनफूट 6.75 लक्ष रुपये प्रति हेक्टर, एकूण खर्चाच्या 40 टक्के, 60:40 या प्रमाणात दोन हप्त्यात कमाल 2.70 प्रति हेक्टर. स्ट्रॉबेरी 2 लक्ष रुपये प्रति हेक्टर, एकूण खर्चाच्या 40 टक्के 60:40 या प्रमाणात दोन हप्त्यात, कमाल 80 हजार प्रति हेक्टर.

         विदेशी फळे, फुले, मसाला लागवड व अळिंबी उत्पादन प्रकल्पा उभारणी करणे तसेच, आंबा, चिकू, संत्रा व मोसंबी, लिंबू, पेरू, आवळा या फळपिकांच्या बागा असलेल्या अधिकाधिक शेतक-यांनी महाडीबीटी पोर्टल mahdbtnmahit.gov.in वर फलोत्पादन या घटकाखाली अर्ज करावेत. योजनेच्या अधिक माहितीसाठी नजीकच्या कृषी कार्यालयाशी संपर्क साधावा, असे जिल्हा अधिक्षक कृषी अधिकारी शंकर तोटावार यांनी कळविले आहे.

००००००