जाणून घ्या ! वेबिनारद्वारे प्रधानमंत्री पिक विमा योजनेची मार्गदर्शक तत्वे व अंमलबजावणी

जाणून घ्या ! वेबिनारद्वारे

प्रधानमंत्री पिक विमा योजनेची

मार्गदर्शक तत्वे व अंमलबजावणी

24 जुलै  सकाळी 11 ते 12.30 पर्यंत कृषी उपसंचालक साधतील वेबिनारद्वारे संवाद

चंद्रपूर, दि. 23 जुलै: प्रधानमंत्री पिक विमा योजनेची मार्गदर्शक तत्वे आणि अंमलबजावणी या विषयावर वसंतराव नाईक राज्य कृषि व्यवस्थापन प्रशिक्षण संस्था वनामती, नागपूरद्वारा प्रसारित मायक्रोसॉफ्ट टीमद्वारे कृषि उपसंचालक, चंद्रपूर रविंद्र मनोहरे शुक्रवार दिनांक 24 जुलै  सकाळी 11 ते 12.30 पर्यंत ऑनलाईन प्रशिक्षण देणार आहेत.

जिल्ह्यातील कृषिशी संबंधित सर्व अधिकारी, कर्मचारी, विमा प्रतिनिधी, आपले सरकार सेवा केंद्र चालक आणि शेतकरी बंधूनी या ऑनलाईन प्रशिक्षण कार्यक्रमात सहभागी होण्यासाठी आपले तालुक्याचे तालुका कृषि अधिकारी यांचेशी संपर्क साधावा आणि त्यांनी दिलेल्या लिंकद्वारे प्रशिक्षण कार्यक्रमात सहभागी व्हावे, असे आवाहन कृषि विभागाने  केले आहे.

00000