उद्योजकांसाठी सॉफ्ट स्किल कार्यशाळा फॅकल्टी डेव्हलपमेंट प्रोग्राम वेबीनारचे आयोजन

उद्योजकांसाठी सॉफ्ट स्किल कार्यशाळा

फॅकल्टी डेव्हलपमेंट प्रोग्राम वेबीनारचे आयोजन

चंद्रपूर,दि. 31 जुलै: महाराष्ट्र उद्योजकता विकास केंद्र, चंद्रपूरद्वारे 10 वी पास व 18 वर्षे पूर्ण असलेल्या युवक-युवतींकरिता 11 ऑगस्ट 2020  रोजी एक दिवस कालावधीचे ऑनलाईन उद्योजकांसाठी  सॉफ्ट स्किल कार्यशाळा तर 12 ऑगस्ट 2020 रोजी एक दिवस कालावधीचे ऑनलाईन फॅकल्टी डेव्हलपमेंट प्रोग्राम  कार्यशाळा वेबीनारच्या माध्यमातून आयोजित करण्यात येत आहे.

उद्योजकांसाठी सॉफ्ट स्किल कार्यशाळेत संवादाचे महत्त्व, निर्णय घेण्याचे कौशल्य, सादरीकरण कौशल्य, कार्यसंघाचे महत्व, वेळेचे व्यवस्थापन, उद्योग उभारणी प्रक्रिया, इत्यादी विषयांवर ऑनलाइन मार्गदर्शन करण्यात येणार आहे. तर फॅकल्टी डेव्हलपमेंट प्रोग्राम या कार्यशाळेत ऑनलाईन शिकवण्याच्या पद्धती, आधुनिक अध्यापन साधनांमध्ये संगणक, इंटरनेट सर्फिंग, इलेक्ट्रॉनिक नोटबुक, ई- वाचक, संगणक शैक्षणीक खेळ, ऑनलाईन शब्दकोश, विश्वकोश, चित्र विश्वकोश, बोलण्याचे शब्दकोश इत्यादी विषयावर ऑनलाइन मार्गदर्शन करण्यात येणार आहे.

सदर प्रशिक्षणात ऑनलाईन प्रवेश घेण्याकरिता इच्छुक युवक-युवतींनी  7 ऑगस्ट 2020 ते 10 ऑगस्ट 2020 पर्यंत प्रकल्प अधिकारी के. व्ही.राठोड (मो.क्र.9403078773, 07172-274416), कार्यक्रम आयोजक मिलिंद कुंभारे (मो. क्र. 9011667717) महाराष्ट्र उद्योजकता विकास केंद्र, चंद्रपूर यांच्याशी संपर्क साधून सदर प्रशिक्षणाचा लाभ घेण्याचे आवाहन करण्यात आले आहे.

00000