राजुरा उपजिल्हा रुग्णालयात अत्याधुनिक यांत्रिकी वस्त्र धुलाई मशीन

 

राजुरा उपजिल्हा रुग्णालयात अत्याधुनिक यांत्रिकी वस्त्र धुलाई मशीन

चंद्रपूर, दि. 17 : राजुरा येथील उपजिल्हा रुग्णालयात अत्याधुनिक यांत्रिकी वस्त्र धुलाई मशीन उपलब्ध झाली आहे. या मशीनचा लोकार्पण सोहळा आमदार देवराव भोंगळे यांच्या हस्ते पार पडला. यावेळी प्रमुख अतिथी म्हणुन जिल्हा शल्य चिकित्सक डॉ. महादेव चिंचोळे, वैद्यकीय अधिक्षक डॉ अशोक जाधव प्रामुख्याने उपस्थित होते.

यांत्रिकी धुलाई पध्दतीमुळे विशेषतः सर्जिकल वस्त्रे, धुतल्या-पुसल्याशिवाय रुग्णालयातील लिनन, ग्राऊंड, दगड्या बांधणीच्या पाट्या इत्यादीची विश्वासार्हता, साफसफाई आणि निर्जंतुकीकरण आता प्रभावी होईल, असे आमदार देवराव भोंगळे यांनी सांगितले. तर या नव्या यंत्रसामुग्रीमुळे रुग्णालयातील जंतु संक्रमणाचे धोके कमी होणार आहे. या अत्याधुनिक तंत्रज्ञानाचा वापर केल्याने औषधोपचाराच्या गतीबरोबर उपचारांच्या परिणामकारकतेत देखील वाढ होईल, असे डॉ. महादेव चिंचोळे यांनी सांगितले.

रुग्णालयात स्वच्छता, रोगप्रतिबंधक व्यवस्थापन आणि रुग्णांच्या आरोग्य संरक्षणासाठी अत्याधुनिक तंत्रज्ञानाचा उपयोग करून परिसर स्वच्छ ठेवणे, हा या कार्यक्रमाचा मुख्य उद्देश आहे. कार्यक्रमाला उपजिल्हा रुग्णालय राजुरा येथील संपुर्ण अधिकारी व कर्मचारी उपस्थित होते.

०००००००