महारोजगार मेळाव्यासाठी बल्लारपूरच्या बीआयटी कॉलेजमध्ये तयारी पूर्ण

उमेदवारांना एसएमएसद्वारे कळणार मुलाखतीची वेळ
योग्य वेळी पोहचून संधी घेण्याचे आवाहन
चंद्रपूर जिल्हयातीलच विद्यार्थ्यांना संधी

चंद्रपूर दि. 26 ऑक्टोबर: राज्याचे वित्त, नियोजन व वने मंत्री तथा चंद्रपूर जिल्ह्याचे पालकमंत्री सुधीर मुनगंटीवार यांनी राज्यातील प्रमुख कंपन्यांना आमंत्रित करून रोजगाराची संधी उपलब्ध करून देण्यासाठी आयोजित केलेल्या रोजगार मेळाव्याच्याची  तयारी पूर्ण झाली आहे .या कार्यक्रमासाठी भव्य सभा मंडप  काराला येत असून मुलाखती घेण्यासाठी बीआयटी कॉलेज सज्ज झाले आहे. 
        28 आणि 29  ला मुलाखती आयोजित करण्यात आल्या आहेत. उमेदवारांना आपल्या मुलाखतीची तारीख आणि वेळ एसएमस (SMS ) मार्फत कळवण्यात येईल. उमेदवारांनी त्यांना दिलेल्या वेळेतच यावे म्हणजे गैरसोय होणार नाही, असे आवाहन आयोजकांनी केले आहे.    रोजगार मेळाव्यात नोंदणी केलेल्या व तसा एसेमेस आलेल्या विद्यार्थ्यांनाच प्रवेश राहील,ऑनलाइन फॉर्म भरलेल्याची प्रिंट आणि आपले आधार कार्ड प्रवेशद्वारावर तयार ठेवावे,आपल्या बायोडेटाच्या 3 कॉपी आणणे अनिवार्य आहे,आपले डॉक्युमेंटची ओरिजिनल आणि आणि झेरॉक्स प्रत (सेल्फ अटेस्टेड) सोबत आणावी,विना कागदपत्रे, ओळखपत्र, ऑनलाईन फॉर्म प्रिंट, विना कुणालाही आत प्रवेश मिळणार नाही,इंजिनीयरिंगच्या विद्यार्थ्यांना अॅपटीट्युड ( Aptitude )परीक्षा द्यायची आहे, निकाल 7 दिवसांनी आपल्याला ईमेल किंवा एसएमएस (SMS ) मार्फत कळेल.  ऑफलाईन पद्धतीने कुणालाही प्रवेश मिळणार नाही. मुलाखतीची प्रक्रिया देखील सहज सुलभ आहे. प्रवेशद्वारावर आपले ऑनलाईन फॉर्मचे प्रिंट किंवा आलेला SMS आणि आधार कार्ड दाखवणे अनिवार्य आहे,आपल्या प्रिंटवर आणि SMS मधे आपल्याला कोणत्या विंग मधे जायचे आहे हे लिहिले आहे. आपण सरळ तिथे पोचावे. तिथे आपल्याला हेल्पडेस्क दिसेल.हेल्पडेस्कवर आपल्याला कुठे मुलाखत द्यायची आहे आणि कोणत्या मजल्यावर आणि रूममधे जायचे आहे हे सांगायला स्वयंसेवक उपस्थित असतील आणि आपल्याला मुलाखतीसाठी मदत करतील. जर आपण सिलेक्ट झाले असाल तर आपल्याला लगेच त्याची माहिती दिली जाईल आणि एका तासात आपल्याला स्टेजवर उपस्थित मान्यवरांच्या हस्ते ऑफर लेटर दिले जाईल. सहा सूत्री कार्यक्रमाबदलही मार्गदर्शनसहासूत्री कार्यक्रम मुद्रा योजना, मिशन कौशल्य, मिशन फॉरेन सर्व्हिसेस, मिशन उन्नत शेती आणि मिशन सोशल वर्क अंतर्गत माहिती देणारे स्टॉल्स लावण्यात आलेले आहेत. त्याचा लाभ घेऊ शकता.

प्रोजेक्ट रिपोर्टची उपलब्धता

बिल्डिंगच्या मागच्या भागात 100 प्रकारची लहान लहान उपकरणे त्याच्या प्रोजेक्ट रिपोर्ट सोबत ठेवण्यात आलेल्या आहेत. आपल्याला जर त्यात रस असेल तर मुद्रा योजनेअंतर्गत आपल्याला ती मशीन कशी मिळेल याचे मार्गदर्शन आपल्याला स्टॉल्स करतील.

हे सर्व आयोजन सुशिक्षित बेरोजगारांसाठी असून  सर्व प्रक्रिया ही पारदर्शी असल्यामुळे  कुठल्याही  ऑफरला अथवा अफवेला बळी पडू नये . यांच्या गळ्यात बॅचेस आहेत अशाच स्वयंसेवकाची मदत घ्यावी . आपल्याच जिल्ह्यातील विद्यार्थी या प्रक्रियेमध्ये  निवडले जाणार असल्यामुळे जिल्ह्यातीलच विद्यार्थ्यांना  या प्रक्रियेतून  नोकरी, व्यवसाय, कर्ज , प्रशिक्षण,  याबाबतचा लाभ मिळणार आहे .त्यामुळे  पारदर्शी प्रक्रियेमुळे कोणावरही अन्याय होत नसल्यामुळे  दिलेल्या नियमांचे पालन करावे अशी विनंती आयोजकांनी केली आहे .SMS मधे आपल्याला जी वेळ दिली आहे त्याच वेळेत या म्हणजे कुणाचीही गैरसोय होणार नाही आणि आपल्याला वाट पहावी लागणार नाही. कसल्याही प्रकारचे गैरवर्तन, हुल्लडबाजी करणाऱ्यांना मुला देता येणार नाही.

                             0000000