पोषन अभियानात चंद्रपूर जिल्हा परिषद राज्यात दुसऱ्या क्रमांकावर

अध्यक्ष देवराव भोंगळे यांना संबोधनाचा सन्मान

चंद्रपूर दि १ ऑक्टोबर : दिनांक 1 सप्टेंबर ते 30 सप्टेंबर या कालावधीत राज्यात राबवण्यात आलेल्या पोषण अभियानात चंद्रपूर जिल्हा परिषदेने उत्तम कामगीरी करीत दुसरा क्रमांक पटकावला आहे. जिल्हा परिषद अध्यक्ष देवराव भोंगळे व मुख्य कार्यकारी अधिकारी जितेंद्र पापळकर यांचा यासाठी ग्रामविकास मंत्र्यांच्याहस्ते सत्कार करण्यात आला आहे.

                जिल्हा परिषद चंद्रपूर महिला बालकल्याण विभाग यांच्यामार्फत राबवण्यात आलेल्या पोषण अभियानाच्या माध्यमातून पोषण महिना सप्टेंबर 2018 च्या प्रचार व प्रसिद्धी मध्ये उल्लेखनीय कामगिरी केल्याबद्दल महाराष्ट्र शासन महिला व बालकल्याण विभाग,  एकात्मिक बाल विकास सेवा योजना महाराष्ट्र राज्य यांच्यावतीने सर्व द्वितीय क्रमांकाने कामगिरी केल्याबद्दल प्रशस्तीपत्रक  देऊन गौरविण्यात आले. यावेळी महिला व बाल विकास मंत्री श्रीमती पंकजाताई मुंडे,  ग्रामविकास सचिव  गुप्ता, एकात्मिक बाल विकास सेवा आयुक्त श्रीमती इंद्रा मालो, यांच्या हस्ते जिल्हा परिषद अध्यक्ष  देवरावजी  भोंगळे, मुख्य कार्यकारी अधिकारी, जितेंद्र पापळकर, उपमुख्य कार्यकारी अधिकारी संजय जोल्हे, बालविकास  प्रकल्प अधिकारी, राजुरा  किरण सुर्यवंशी, व अभियानामध्ये उत्कृष्ट कामगिरी करणाऱ्या प्रकल्प नागभीड येथील निवडक सेविका उपस्थित होत्या.

जिल्हा परिषद अध्यक्ष देवराव भोंगळे यांना यावेळी उपस्थितांना संबोधीत करण्याचा सन्मान देण्यात आला. जिल्ह्यातील अभियानात राबवण्यात आलेल्या कल्पकतेची त्यांनी मांडणी केली. चंद्रपूर जिल्हयात सुरू असलेल्या जि.प. च्या योजनांची माहिती त्यांनी दिली. या पोषण अभियानामध्ये जिल्हा परिषद चंद्रपुर महिला व बालकल्याण विभागाने राज्यामध्ये पोषण अभियानात द्वितीय क्रमांकाची कामगिरी केल्याबद्दल पालकमंत्री सुधीर मुनगंटीवार यांनी विशेष कौतुक केले. सदरचे पोषण माह अभियान राबविण्यामध्ये  जिल्हाधिकारी चंद्रपूर , जिल्हा अभिसरण समिती , महसूल विभाग , ग्राम विकास विभाग , पाणी पुरवठा व स्वच्छता विभाग , शिक्षण व आरोग्य विभाग , पंचायत विभाग , एमएसआरएलएमयांचे बचत गट यांचे मोलाचे योगदान लाभले .

००००