जिल्हा निधी अंतर्गत विविध योजनांकरीता अर्ज सादर करण्याचे आवाहन

चंद्रपूर दि.9- समाज कल्याण विभाग, जिल्हा परीषद, चंद्रपूर या कार्यालयामार्फत जिल्हयातील दुर्बल घटक महिला, दिव्यांग, अनुसुचित जाती, अनुसुचित जमाती, विमुक्म जाती व भटक्या जमाती, विशेष मागास या प्रवर्गाच्या आर्थिक विकासाच्या दृष्टिकोनातून वैयक्तिक लाभाच्या जिल्हा निधी योजनेअंतर्गत 20 टक्के, 7 टक्के वनमहसुल व 5 टक्के दिव्यांग अंतर्गत राबविण्यात येणाऱ्या विविध योजनांचे अर्ज संबंधित पंचायत समिती कार्यालय, संबंधित ग्रामपंचायत कार्यालय व जिल्हा समाज कल्याण अधिकारी, जिल्हा परिषद, चंद्रपूर कार्यालय येथे उपलब्ध आहेत.

            जिल्हा परीषद सेस फंड 20 टक्के व 7 टक्के वनमहसूल अंतर्गत राबविण्यात येत असलेल्या योजना एच.डी.पी.ई./पि.व्ही.सी. पाईप, तातपत्री, सबमशिंबल विद्युत पंप, काटेरी  तार, ऑईल अंजिन, शिलाई/पिकोफॉल मशीन, सिंगल फेस आटा चक्की, स्प्रे पंप, लोखंडी मचान, हलके/जड वाहन प्रशिक्षण, MSCIT प्रशिक्षण, व्युटी पार्लर प्रशिक्षण, व्यावासायिक/ स्पर्धात्मक परीक्षा प्रशिक्षण.

            5 टक्के दिव्यांग कल्याण निधी अंतर्गत राबविण्यात येत असलेल्या योजना- दिव्यांगांना साहित्य पुरविणे उदा- तीन चाकी सायकल, पांढरी काळी श्रवणयंत्र, सि.डी.प्लेअर इत्यादी. लघु उद्योग करण्यासाठी पुरक सहाय्य स्वयंरोजगारासाठी अर्थसहाय्य (व्हेंडींग स्टॉल, पिठ गिरणी, शिलाई मशीन, मिर्ची कांडप मशीन, फुड प्रोसेसिंग युनिट, झेरॉक्स मशीन इत्यादी), व्यवसाय प्रशिक्षणासाठी अर्थसहाय्य, MSCIT प्रशिक्षण.

            वरील योजनांचा लाभ घेण्याकरीता लाभार्थ्यांनी विहित नमुन्यात व आवश्यक कागदपत्रांसह दिनांक 15 ऑक्टोंबर 2018 पर्यंत पंचायत समिती मार्फत सादर करावे.

            वरील योजनांचा लाभ जिल्हयातील जास्तीत जास्त लाभार्थ्यांनी घ्यावा, असे आवाहन ब्रिजभुषण पाझारे, सभापती समाज कल्याण समिती, जिल्हा परीषद, चंद्रपूर व सुनिल जाधव, जिल्हा समाज कल्याण अधिकारी जिल्हा परीषद चंद्रपूर यांनी केले आहे.

000