चंद्रपूर बाधितांची संख्या 162 वर

चंद्रपूर बाधितांची संख्या 162 वर

एकाच दिवशी 12 बाधित

आतापर्यत 93 कोरोनातून बरे

69 बाधितांवर उपचार सुरू

Ø  लग्न समारंभात सामील 5 जण पॉझिटीव्ह

Ø  971 नागरिक संस्थात्मक अलगीकरणात

Ø  2 हजारांवर नागरिक गृह अलगीकरण प्रक्रियेत

चंद्रपूर,दि.10 जुलै: जिल्ह्यामध्ये शुक्रवार दिनांक 10 जुलै रोजी आरोग्य विभागाकडून आलेल्या माहितीनुसार एकाच दिवशी 12 बाधित पुढे आले आहेत. यामध्ये एका लग्न सोहळ्यात सहभागी झालेल्या पाच जणांचा सहभाग आहे. काल 9 जुलै पर्यंत जिल्ह्यामध्ये 150 पॉझिटीव्ह आढळले होते. आज दुपारपर्यंत त्यामध्ये 12 बाधिताची भर पडल्याने एकूण संख्या 162 झाली आहे. आतापर्यंत 93 नागरिक कोरोना मुक्त झाले असून सध्या 69 नागरिक जिल्हयात उपचार घेत आहेत. 162 संख्येमध्ये चंद्रपूर शहरात निदान झालेले अन्य जिल्हयातील 4 बाधित आहेत. हे चारही बाधित राज्य राखीव पोलीस दलाचे जवान आहेत.

आज पुढे आलेल्या बाधितांमध्ये चंद्रपूर शहरातील 21 वर्षीय युवकाचा समावेश आहे. हा युवक सिकंदराबाद येथून 1 जुलैला आल्यापासून संस्थात्मक अलगीकरणात होता. इंदिरानगर चंद्रपूर येथील 21 वर्षीय महिला हैद्राबाद येथून 1 जुलै रोजी परत आली होती. आल्यापासून संस्थात्मक अलगीकरणात होती.

दाद महाल वार्डातील आणखी एक 21 वर्षीय महिला पॉझिटीव्ह ठरली आहे. ही महिला जळगाव येथून आल्यानंतर 29 जून पासून संस्थात्मक अलगीकरणात होती.

आणखी एक रुग्ण भानापेठ वॉर्ड मधून पुढे आला असून या 29 वर्षीय युवक हैदराबादवरून परत आला होता. खाजगी हॉटेलमध्ये संस्थात्मक अलगीकरणात होता.

याशिवाय बिहार राज्यातील पाटणा शहरातून परत आलेल्या 45 वर्षीय नागरिकाचा समावेश आहे. परत आल्यापासून तो संस्थात्मक अलगीकरणात होता. वरिल पाहिल्या 3 बाधितांची स्वॅब तपासणी 7 जुलैला झाली होती. तर चवथ्या व पाचव्या बाधिताची स्वॅब तपासणी 8 जुलैला करण्यात आली.

वरोरा येथील पाच बाधित पुढे आले आहेत. यामध्ये सोमठाणा पोस्ट टेंभुर्णा येथील 38 वर्षीय महिला, 50 वर्षीय पुरुष, 48 वर्षीय महिला, 30 वर्षीय पुरुष हे एकाच कुटुंबातील चार जण आहेत. जालना येथे एका विवाह सोहळ्यात हे सर्व सहभागी झाले होते. याच लग्न सोहळ्यात सहभागी झालेल्या 29 वर्षीय भद्रावती शहरातील चारगाव कॉलनीतील पुरुषही पॉझिटीव्ह ठरला आहे.

तर  वरोरा शहरातील आजचा 5 वा बाधित 27 वर्षीय युवक असून मध्य प्रदेश मधून परत आला होता. तेव्हापासून गृह अलगीकरणात होता. वरोरा येथील या सर्वाचा स्वॅब 7 जुलै रोजी घेण्यात आला होता.

बल्लारपूर शहरातील 7 वर्षीय मुलगा पॉझिटीव्ह ठरला आहे. या मुलांसह कुटुंबातील 5 सदस्य कारने मुंबईवरून परत आले होते. अन्य चार जण निगेटिव्ह ठरले आहे. मात्र मुलगा पॉझिटिव्ह ठरला आहे.

जिल्ह्यातील कोविड-19ची सर्वसाधारण माहिती:

जिल्हा आरोग्य यंत्रणेने दिलेल्या माहितीनुसार जिल्ह्यामध्ये 8 हजार 22 स्वॅब तपासणीसाठी पाठविले होते. यापैकी 162 नमुने पॉझिटिव्ह, 7 हजार 87 नमुने निगेटिव्ह, 722 नमुने प्रतीक्षेत तर 51 नमुने अनिर्णीत  आहेत.

जिल्ह्यातील अलगीकरण विषयक माहिती:

जिल्ह्यात एकूण संस्थात्मक अलगीकरणात 971 नागरिक आहेत. ग्रामस्तरावर 171 नागरिक,तालुकास्तरावर 353 नागरिक तर, जिल्हास्तरावर 447 नागरिक संस्थात्मक अलगीकरणात  आहेत. आतापर्यंत जिल्ह्यात 86 हजार 385 नागरिक दाखल झाले आहेत. 83 हजार 859 नागरिकांचे गृह अलगीकरण पूर्ण झालेले आहे. 2 हजार 526 नागरिक गृह अलगीकरण प्रक्रियेत आहे.

आतापर्यंतचे कोरोना बाधीतांचे विवरण :

चंद्रपूरमध्ये आतापर्यत 2 मे ( एक बाधित ), 13 मे ( एक बाधित), 20 मे ( एकूण 10 बाधित ), 23 मे ( एकूण 7 बाधित), 24 मे ( एकूण 2 बाधित), 25 मे ( एक बाधित ), 31 मे ( एक बाधित ), 2 जून (एक बाधित), 4 जून (दोन बाधित), 5 जून ( एक बाधित),6 जून ( एक बाधित), 7 जून ( 11 बाधित),9 जून (एकुण 3 बाधित), 10 जून ( एक बाधित), 13 जून ( एक बाधित), 14 जून ( एकुण तीन बाधित),15 जून (एक बाधित), 16 जून ( एकुण 5 बाधित), 17 जून ( एक बाधित), 18 जून ( एक बाधित), 21 जून (एक बाधित), 22 जून (एक बाधित), 23 जून (एकूण बाधित चार ), 24 जून (एक बाधित), 25 जून (एकूण 10 बाधित),26 जून (एकूण दोन बाधित), 27 जून (एकूण 7 बाधित), 28 जून (एकूण 6 बाधित), 29 जून (एकूण 8 बाधित), 30 जून (एक बाधित), 1 जूलै (एकूण दोन बाधित), 2 जुलै ( 4 बाधित ), 3 जुलै ( एकूण 11 बाधित ), 4 जुलै ( एकूण 5 बाधित ), 5 जुलै ( एकूण 3 ‌ बाधित ), 6 जुलै ( एकूण सात बाधित ), 8 जुलै ( एकूण पाच बाधित ), 9 जुलै ( एकूण 14 बाधित )आणि 10 जुलै ( एकूण 12 बाधित ) अशा प्रकारे जिल्ह्यातील कोरोना बाधित 162 झाले आहेत. आतापर्यत 93 बाधित बरे झाल्याने सुटी देण्यात आली आहे. त्यामुळे 162 पैकी रूग्णालयात उपचार घेणाऱ्या बाधितांची संख्या आता 69 झाली आहे. सर्व बाधितांची प्रकृती स्थिर असून त्यांच्यावर वैद्यकीय उपचार सुरू आहेत.

00000