चंद्रपूर, दि. 18 ऑक्टोबर: निवडणुकीमध्ये होणाऱ्या खर्चावर नियंत्रण असावे यासाठी निवडणूक आयोगामार्फत उमेदवारांच्या खर्चाचे तीन वेळा निरीक्षण केले जाते. आज दिनांक 18 ऑक्टोबर 2019 रोजी चंद्रपूर जिल्ह्यातील निवडणूक निरीक्षक के. विनोद कुमार यांनी ब्रह्मपुरी व चिमूर विधानसभा मतदारसंघातील उमेदवारांच्या निवडणूक खर्चाचे निरीक्षण केले.
21 ऑक्टोबर रोजी मतदान प्रक्रिया पार पडणार आहे. त्या अगोदर उमेदवारांच्या खर्चाची निरीक्षण करणे आवश्यक असते. यामुळे निवडणूक खर्च निरीक्षक के. विनोद कुमार यांनी ब्रह्मपुरी व चिमूर मतदार संघातील उमेदवारांच्या खर्चाचे निरीक्षण केले. यानंतर वरोरा विधानसभा मतदारसंघातील उमेदवारांच्या निवडणूक खर्चाची निरीक्षण करणार आहेत. तत्पूर्वी त्यांनी सिंदेवाही व ब्रह्मपुरी येथील स्थायी निगराणी पथकाला भेट दिली. उमेदवारांच्या खर्चाचे निरीक्षण झाल्यानंतर त्यांनी मतदान केंद्र अधिकाऱ्यांना साहित्य वाटपाच्या स्थळी भेट देऊन तेथील परिस्थितीचा आढावा घेतला. त्यानंतर चिमूर मतदार संघातील कानपा, शंकरपुर व खडसंगी येथील स्थायी निगरानी पथकाला भेट देऊन तेथील अधिकाऱ्यांशी चर्चा केली.
000000
No comments:
Post a Comment